Batys Qazaqstanda stýdent qyz koronavırýstan emdelip shyqty
ORAL. QazAqparat – Batys Qazaqstan oblysynda taǵy bir adam koronavırýstan emdelip shyqty, dep habarlaıdy QazAqparat tilshisi.
Oblystyq juqpaly aýrýlar aýrýhanasynyń dırektory Nadııa Ahmetovanyń aıtýynsha, Oralda turatyn stýdent qyzdyń jaǵdaıy qanaǵattanarlyq.
Baqylaý synamasy onyń koronavırýstan jazylǵandyǵyn kórsetti.
Osylaısha BQO-da emdelip shyqqandar sany 10-ǵa jetti.
Eske sala keteıik, budan buryn BQO-da koronavırýs juqtyrǵan 6 adamnyń bári de medıtsına qyzmetkeri ekendigin, Oralda emdelip jatqandar dárigerlerge baǵynbaı, óz betimen úıge ketip qalmaq bolǵanyn, koronavırýs juqtyrǵandar arasynda dárigerge baǵynbaıtyn birneshe emdelýshiniń bar ekendigin jazǵan bolatynbyz.
