Batys Qazaqstanda sot moraldyq zalal retinde 6 mln. teńge óndirdi
ORAL. QazAqparat - Tasqala aýdandyq soty moraldyq zalal retinde 6 mln. teńge óndirdi, dep habarlaıdy «QazAqparat» tilshisi.
BQO sotynyń baspasóz qyzmetinen túsken málimetke qaraǵanda, otaǵasy M. degen azamat JShS-da vagonnan júk túsirýshi bolyp eńbek etken. Tasqala aýylyndaǵy temirjol tuıyǵynan vagonnan qıyrshyq tas túsirip jatqan kezde M. qulap ketip, óndiristik jaraqat alyp, sonyń saldarynan aýrýhanada kóz jumǵan.
Osy oqıǵa jónindegi aktige sáıkes jumys berýshiniń 100 paıyz kináli ekendigi anyqtalǵan. Bul Tasqala aýdandyq sotynyń qaýlysymen de dáleldengen, onda JShS-nyń eńbek qorǵaý jáne qaýipsizdik tehnıkasy ınjeneri kináli bolyp tanylǵan. Degenmen qylmystyq is raqymshylyqqa baılanysty qysqartylǵan.
Otaǵasynyń qaza tabýyna baılanysty otbasy orny tolmas qaıǵyǵa ushyrap, asyraýshysynan aıyrylǵan. Sol sebepti marqumnyń týystary JShS keltirgen moraldyq zalaldy 10 mln. teńgege baǵalap, otbasy músheleriniń árqaısysyna jaýapkerden 2,5 mln. teńgeden tóleýdi talap etken. Sot muny asyryp kórsetilgen dep taýyp, talap-aryzdy ishinara qanaǵattandyrdy. ıAǵnı JShS-dan ár talapkerge 1,5 mln. teńgeden, barlyǵy 6 mln. teńge jáne memleket esebine 4538 teńge baj salyǵyn óndirdi.
Sot sheshimi kúshine engen joq.
