Batys Qazaqstanda sot aktileri tolyq kólemde oryndalmaı otyr

Bul týraly oblys prokýrory Jaqsylyq Baıtuqbaevtyń tóraǵalyq etýimen ótkizilgen prokýratýranyń alqa májilisinde aıtyldy.

Sot aktileriniń ýaqtyly oryndalmaıtyny óz aldyna, atqarýshy óndiris organynyń laýazymdy adamdary birneshe ret sybaılas jemqorlyqqa da barǵan. Aıtalyq, Prıýral aýmaqtyq ýchaskesiniń sot oryndaýshysy M.Qubaev sybaılas qylmysy úshin sottalsa, birqatar sybaılas jáne laýyzymdyq qylmysqa jol bergen burynǵy oblystyq sot ákimshisi A.Ótegenovtiń isi qazir Oral qalalyq sotynda qaralýda. Bórli aýmaqtyq ýchaskesiniń sot oryndaýshysy A.Işanova da sot úkimimen kináli dep tanylsa, jánibektik sot oryndaýshysy A.Hamıevanyń boryshkerlerden óndirilgen alımenttiń aqshasyn ózi alǵany anyqtaldy.

Alqa májilisiniń qorytyndysy boıynsha BQO sot ákimshisi men QR Memlekettik qyzmet isteri agenttigi BQO-daǵy tártiptik keńesiniń atyna uıǵarym engizý jóninde sheshim qabyldandy.