Batys Qazaqstanda sońǵy tórt táýlikte 440 adamnan koronavırýs tabyldy
ORAL. QazAqparat - Batys Qazaqstan oblysynda indet taraı bastaǵanan beri 21208 adam koronavırýs juqtyrsa, sonyń 12074-i Oral qalasynda tirkelgen, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamentiniń baspasóz qyzmetinen túsken málimetke qaraǵanda, oblys boıynsha 16364 adam saýyǵyp shyqty.
Osy kezge deıin 314 naýqas kóz jumdy.
Sońǵy tórt kúnde oblysta 440 adam tirkelse, sonyń 346-synda aýrý belgisi bar, 94-inde sımptomy joq. 279 adam JRVI belgilerimen qaralǵan, 123-i - úı oshaǵyndaǵylar, 29-ynan profılaktıkalyq maqsatta, úsheýinen statsıonarǵa jatqyzar aldynda synama alynǵan.
440 adamnyń 187-si Oral qalasy, 103-i Báıterek, 47-si Bórli aýdanynyń úlesine tıedi.
Іndet bastalǵaly beri Báıterekte 2399, Bórli aýdanynda 2314 adam koronavırýs juqtyrǵan.
Eske sala keteıik, budan buryn BQO-da tórt kúnde 400-den astam adamnan koronavırýs anyqtalǵanyn jazǵan bolatynbyz.
