Batys Qazaqstanda sońǵy tórt kúnde 463 adamnan koronavırýs anyqtaldy
ORAL. QazAqparat – Batys Qazaqstan oblysynda sońǵy tórt kúnde 463 adamnan koronavırýs anyqtaldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń 322-sinde aýrý belgileri bolsa, qalǵan 141-inde koronavırýs sımptomsyz ótýde.
11-14 sáýir aralyǵynda JRVI belgilerimen tekserilgen 265, buryn aýyrǵandarmen qarym-qatynasta bolǵan 143, profılaktıkalyq maqsatta qaralǵan 48 jáne statsıonarǵa jatqyzar aldynda synama alynǵan 7 adamnan indet tabyldy.
Aýyrǵandardyń basym kópshiligi (257) Oral qalasynyń úlesine tıedi. Sondaı-aq tórt kúnde Báıterek aýdanynda 84, Bórlide 40, Shyńǵyrlaýda 32, Terektide 19, Qaztalovta 15 adamnan koronavırýs anyqtaldy.
Іndet bastalǵannan beri oblys boıynsha 16730 adam syrqattansa, sonyń 13388-i jazylyp shyqty. 259 adam ómirden ozdy.
Oral qalasynda koronavırýs juqtyrǵandardyń jalpy sany 9606, Bórli aýdanynda 1782, Báıterekte 1764-ke jetti.
Eske sala keteıik, budan buryn Batys Qazaqstanda koronavırýsqa qarsy ekpe alǵandar sany 20 myńnan asqanyn jazǵan bolatynbyz.
