Batys Qazaqstanda sońǵy tórt kúnde 440 adamnan koronavırýs tabyldy
BQO sanıtarlyq-epıdemıologııalyq baqylaý departamenti málim etkenindeı, sonyń ishinde 298-inde aýrý belgileri bolsa, 142-si – sımptomy joqtar.
Aýyrǵandardyń 258-i JRVI belgilerimen dárigerge qaralǵan. 72-si buryn koronavırýs juqtyrǵandarmen baılanysta bolǵan. 103-i profılaktıkalyq, jeteýi epıdemıologııalyq baqylaý maqsatynda tekserilgen.
Departament málimetine qaraǵanda, naýqastardyń 135-i Oral qalasynda, 71-i Báıterek, 64-i Bórli, 41-i Tasqala, 29-y Terekti, 25-i Aqjaıyq aýdanynda tirkelgen.
Іndet bastalǵannan beri óńirde barlyǵy 33 584 adamnan koronavırýs tabylsa, sonyń 25668-i jazylyp shyqty. 636-sy kóz jumdy.
Barlyq syrqattanǵandardyń 17327-si Oral qalasy, 4427-si Báıterek, 4067-si Bórli aýdanynyń úlesine tıedi.
Eske sala keteıik, budan buryn Batys Qazaqstanda ınfektsııalyq statsıonarlarda 630-ǵa jýyq naýqastyń emdelip jatqanyn jazǵan bolatynbyz.