Batys Qazaqstanda sońǵy tórt kúnde 435 adam koronavırýs juqtyrdy
BQO sanıtarlyq-epıdemıologııalyq baqylaý departamenti málim etkenindeı, sonyń 269-ynda aýrý belgileri bolsa, 166-sy – sımptomy joqtar.
Aýyrǵandardyń 238-i JRVI belgileri boıynsha tekserilse, 61-i buryn indet juqtyrǵandarmen qarym-qatynasta bolǵan. 134-inen profılaktıkalyq maqsatta, ekeýinen epıdemıologııalyq qadaǵalaý boıynsha synama alynǵan.
Bulardyń 130-y Oral qalasynda, 62-si Bórli, 60-y Báıterek aýdanynda tirkelgen.
Departament málimetine qaraǵanda, indet bastalǵannan beri 34 422 naýqas anyqtalsa, sonyń 26 397-si jazylyp shyqty. 656-sy ómirden ozdy.
Syrqattanǵandardyń 17 633-i Oral qalasy, 4553-i Báıterek, 4206-sy Bórli,1539-y Terekti, 1213-i Aqjaıyq aýdanynyń úlesine tıedi.
Eske sala keteıik, Batys Qazaqstanda pedagogtardyń 95,1 paıyzy ekpe saldyrǵan.