Batys Qazaqstanda sońǵy tórt kúnde 400-ge jýyq adamnan koronavırýs tabyldy
ORAL. QazAqparat - Batys Qazaqstan oblysynda sońǵy tórt kúnde 392 adamnan koronavırýs tabyldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamentiniń baspasóz qyzmetinen túsken málimetke qaraǵanda, sonyń 287-sinde aýrý belgileri bolsa, 105-i - sımptomy joqtar.
Vırýs juqtyrǵandardyń 227-si JRVI belgileri boıynsha tekserilgen, 128-i buryn aýyrǵandarmen qarym-qatynasta bolǵan, 31-inen profılaktıkalyq maqsatta, 6 adamnan statsıonarǵa jatqyzar aldynda synama alynǵan.
Aýyrǵandardyń 176-sy Oralda, 92-si Báıterek, 49-y Bórli aýdanynda anyqtalǵan.
Jalpy, indet taraǵaly beri oblysta 21503 naýqas tirkelse, sonyń 16633-i jazylyp shyqty. 319 adam kóz jumdy.
Eske sala keteıik, budan buryn BQO-da ınfektsııalyq statsıonarlarda 500-ge jýyq adamnyń jatqanyn jazǵan bolatynbyz.
