Batys Qazaqstanda sońǵy tórt kúnde 400-den astam adam koronavırýs juqtyrǵan
ORAL. QazAqparat – Batys Qazaqstan oblysynda sońǵy tórt kúnde 411 adam koronavırýs juqtyrǵan, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń 319-ynda aýrý belgileri bolsa, 92-si – sımptomy joqtar.
Naýqastardyń 279-y JRVI belgilerimen tekserilgen, 88-i buryn indet juqtyrǵandarmen baılanysta bolǵan. 38-inen profılaktıkalyq maqsatta, altaýynan statsıonarǵa jatqyzar aldynda synama alynǵan.
Aýyrǵandardyń 186-sy Oral qalasynda, 65-i Báıterek, 65-i Bórli, 27-si Tasqala aýdanynda anyqtaldy.
Іndet bastalǵannan beri oblysta barlyǵy 24983 adam koronavırýsqa shaldyǵyp, 20166-sy jazylyp shyqty. 387-si kóz jumdy.
Syrqattanǵandardyń 13815-i Oralda, 3099-y Báıterek, 2809-y Bórli, 1025-i Terekti aýdanynda tirkelgen.
Eske sala keteıik, budan buryn BQO-da koronavırýstan kóz jumǵandardyń 70 paıyzy egde adamdar ekenin jazǵan edik.
