Batys Qazaqstanda sońǵy tórt kúnde 360-qa jýyq adamnan koronavırýs tabyldy
ORAL. QazAqparat – Batys Qazaqstan oblysynda sońǵy tórt kúnde 359 adamnan koronavırýs tabyldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń 262-sinde aýrý belgisi bolsa, 97-si – sımptomy joqtar.
Aýyrǵandardyń 217-si JRVI belgileri boıynsha dárigerge júgingen. 83-i qarym-qatynasta bolǵan adamdardan juqtyrǵan. 50-i profılaktıkalyq maqsatta tekserilse, tórteýinen statsıonarǵa jatqyzar aldynda synama alynǵan.
Syrqattanǵandardyń 160-y Oral qalasynda, 65-i Báıterek, 59-y Bórli, 19-y Aqjaıyq, 17-si Tasqala aýdanynda tirkelgen.
Іndet bastalǵannan beri óńirde 22 502 adam aýyrsa, sonyń 17 569-y jazylyp shyqty. 337 naýqas ómirden ótti.
Barlyq koronavırýs juqtyrǵandardyń 12 658-i Oral qalasy, 2 648-i Báıterek, 2 495-i Bórli, 951-i Terekti, 772-si Aqjaıyq aýdanynyń úlesine tıedi.
Eske sala keteıik, budan buryn Batys Qazaqstanda 68 myńǵa jýyq adamnyń koronavırýsqa qarsy egilgenin jazǵan bolatynbyz.
