Batys Qazaqstanda sońǵy tórt kúnde 340-qa jýyq adamnan koronavırýs anyqtaldy
ORAL. QazAqparat – Batys Qazaqstan oblysynda sońǵy tórt kúnde 338 adamnan koronavırýs anyqtaldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń 215-inde aýrý belgileri bolsa, 123-i – sımptomy joqtar.
Sonyń ishinde 168-i JRVI belgileri boıynsha tekserilgen. 126-sy buryn aýyrǵandarmen qarym-qatynasta bolǵan. 41-inen profılaktıkalyq maqsatta, úsheýinen statsıonarǵa jatqyzar aldynda synama alyndy.
Departament málimetine qaraǵanda, sońǵy tórt táýlikte Oral qalasynda 143, Báıterek aýdanynda 70, Bórlide 54, Aqjaıyqta 21, Terekti men Tasqalanyń árqaısysynda 16 adamnan koronavırýs tabyldy.
Іndet bastalǵaly beri oblysta 22143 naýqas tirkelse, sonyń 17285-i jazylyp shyqty. 330-y ómirden ótti.
Oral qalasynda barlyǵy 12498, Báıterek aýdanynda 2583, Bórlide 2436 adamnan koronavırýs shyqty.
Eske sala keteıik, budan buryn Batys Qazaqstanda 66 myń adamnyń koronavırýsqa qarsy ekpe saldyrǵanyn jazǵan bolatynbyz.
