Batys Qazaqstanda sońǵy tórt kúnde 340 adamnan koronavırýs tabyldy
BQO sanıtarlyq-epıdemıologııalyq baqylaý departamenti málim etkenindeı, sonyń 221-inde aýrý belgileri bolsa, 119-y – sımptomy joqtar.
Aýyrǵandardyń 203-i JRVI belgilerimen tekserilse, 28-i buryn koronavırýs juqtyrǵandarmen baılanysta bolǵan.
107-sinen profılaktıkalyq, 2 adamnan epıdemıologııalyq baqylaý maqsatynda synama alynǵan.
Naýqastardyń 100-i Oral qalasynda, 54-i Báıterek, 51-i Bórli aýdanynda tirkelgen.
Departament málimetine qaraǵanda, indet bastalǵannan beri 35 143 adamnan koronavırýs tabylyp, sonyń 27 092-si jazylyp shyqty. 678-i kóz jumdy.
Sonyń ishinde 17 884-i Oral qalasy, 4657-si Báıterek, 4305-i Bórli, 1579-y Terekti, 1248-i Aqjaıyq, 1009-y Kaztalov aýdanynyń úlesine tıedi.
Eske sala keteıik, budan buryn Batys Qazaqstanda sońǵy eki aıda 272 adamnyń koronavırýstan kóz jumǵanyn jazǵan bolatynbyz.