Batys Qazaqstanda sońǵy tórt kúnde 300-ge jýyq adamnan koronavırýs anyqtaldy
ORAL. QazAqparat – Batys Qazaqstan oblysynda sońǵy tórt kúnde 299 adamnan koronavırýs anyqtaldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń 251-inde aýrý belgileri bolsa, 48-iniń sımptomy joq.
Tórt kúnde indet tabylǵandardyń ishinen 208-i JRVI belgileri boıynsha tekserilgen. 65-i buryn aýyrǵandarmen qarym-qatynasta bolǵan. Profılaktıkalyq maqsatta 25, statsıonarǵa jatqyzar aldynda 1 adamnan synama alynǵanda, kovıd juqtyrǵany málim boldy.
Naýqastardyń 152-si Oral qalasynda, 50-i Báıterek, 33-i Bórli aýdanynda tirkelgen.
Departament málimetine qaraǵanda, indet bastalǵannan beri oblysta anyqtalǵan 23594 naýqastyń 18630-y jazylyp shyqty, 354-i ómirden ótti.
Sonyń ishinde Oralda barlyǵy 13181, Báıterek aýdanynda 2889, Bórlide 2614, Terektide 980, Aqjaıyqta 813, Shyńǵyrlaýda 600, Qaztalovta 554 adamnan koronavırýs shyqty.
Eske sala keteıik, budan buryn Batys Qazaqstanda ınfektsııalyq statsıonarda jatqandar sany kóbeıip otyrǵanyn jazǵan bolatynbyz.
