Batys Qazaqstanda sońǵy tórt kúnde 285 adamnan koronavırýs tabyldy
ORAL. QazAqparat – Batys Qazaqstan oblysynda sońǵy tórt kúnde 285 adamnan koroanvırýs tabyldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń basym kópshiliginde, ıaǵnı 212-sinde aýrý belgileri bolsa, 73-i – sımptmomy joqtar.
Aýyrǵandardyń 157-si JRVI belgileri boıynsha tekserilgen, 103-i buryn syrqattanǵandarmen qarym-qatynasta bolǵan. Profılaktıkalyq maqsatta 22, statsıonarǵa jatqyzar aldynda 3 adamnan synama alynǵan.
Kovıd juqtyrǵandardyń 149-y Oral qalasynda, 57-si Báıterek, 30-y Bórli aýdanynda tirkelgen.
Departament málimetine qaraǵanda, indet bastalǵannan beri oblysta 23295 naýqas anyqtalyp, sonyń 18366-sy jazylyp shyqty, 350-i kóz jumdy.
Sonyń 13029-y Oral qalasy, 2839-y Báıterek, 2581-i Bórli, 971-i Terekti, 804-i Aqjaıyq aýdanynyń úlesine tıedi.
Eske sala keteıik, budan buryn Batys Qazaqstanda sońǵy aptada koronavırýs juqtyrǵandar sany 7,7 paıyzǵa tómendegenin jazǵan bolatynbyz.
