Batys Qazaqstanda sońǵy tórt kúnde 260-qa jýyq adam koronavırýs juqtyrǵan
ORAL. QazAqparat – Batys Qazaqstan oblysynda sońǵy tórt kúnde 258 adam koronavırýs juqtyrǵan, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń basym kópshiliginde, ıaǵnı 215-inde aýrý belgileri bolsa, 43-iniń sımptomy joq.
Naýqastardyń 185-i JRVI belgileri boıynsha tekserilgen,
49-y buryn aýyrǵandarmen qarym-qatynasta bolǵan, 24-inen profılaktıkalyq maqsatta synama alynǵan.
Syrqattanǵandardyń 125-i Oral qalasynda, 34-i Báıterek, 34-i Bórli aýdanynda tirkelgen.
Іndet bastalǵannan beri oblys boıynsha barlyǵy 24280 naýqastyń 19441-i jazylyp shyqty. 367 adam kóz jumdy.
Barlyq aýyrǵandardyń 13524-i Oral qalasy, 2982-si Báıterek, 2697-si Bórli, 997-si Terekti, 835-i Aqjaıyq aýdanynyń úlesine tıedi.
Eske sala keteıik, budan buryn Batys Qazaqstanda ınfektsııalyq statsıonarda jatqandar sany 455-ke jetkenin jazǵan bolatynbyz.
