Batys Qazaqstanda sońǵy tórt kúnde 231 adamnan koronavırýs tabyldy
ORAL. QazAqparat – Batys Qazaqstan oblysynda sońǵy tórt kúnde 231 adamnan koronavırýs tabyldy, dep habarlaıdy QazAqparat tilshisi.
BQO sanıtarlyq-epıdemıologııalyq baqylaý departamenti málim etkenindeı, sonyń 122-sinen aýrý belgileri baıqalsa, 109-ynda sımptomy bolǵan joq.
Bulardyń 61-i buryn aýyrǵandarmen qarym-qatynasta bolǵan. 111-i JRVI belgilerimen dárigerge tekserilgende, 36-sy profılaktıkalyq maqsatta emhanaǵa qaralǵanda, 23-i statsıonarǵa jatqyzar kezde anyqtalǵan.
Syrqattanǵandardyń 155-i, ıaǵnı basym bóligi Oral qalasynyń úlesine tıedi. Sondaı-aq sońǵy tórt kúnde Bórli aýdanynda 24, Báıterekte 22 adamnyń aýyrǵany belgili boldy.
Óńirde osy kezge deıin 13827 adam KVI juqtyrsa, sonyń 11425-i jazylyp shyqty. Kóz jumǵandar sany 216-ǵa jetti.
Oblysta epıdemıologııalyq ahýal áli de turaqsyz bolyp otyr. Osyǵan baılanysty epıdemıolog mamandar sanıtarlyq talaptardy, maska rejımin saqtaý qajettigin eske salady.
Eske sala keteıik, budan buryn BQO-da babalaqshalarǵa kezekshi topqa 25 balaǵa deıin keletinin jazǵan bolatynbyz.
