Batys Qazaqstanda sońǵy aptada koronavırýs juqtyrý 43,7 paıyzǵa azaıdy

ORAL. QazAqparat – Batys Qazaqstan oblysynda jyl basynan beri 9 538 adam koronavırýs juqtyrdy, dep habarlaıdy QazAqparat tilshisi.

BQO sanıtarlyq-epıdemıologııalyq baqylaý departamentiniń basshysy Muhamǵalı Aryspaevtyń óńirlik kommýnıkatsııalar qyzmeti alańynda ótken brıfıngide málim etkenindeı, sonyń ishinde aqpan aıynda 2 412 naýqas tirkeldi, bul qańtardaǵydan 2,9 esege kem.

Onyń aıtýynsha, sońǵy aptada (25 aqpan – 3 naýryz) aldyńǵymen salystyrǵanda, indet juqtyrý kórsetkishi 43,7 paıyzǵa (112-den 63-ke) tómendedi.

«Oblys boıynsha 414 390 adam egilýi tıis bolsa, kúni búgin sonyń 272 194-i nemese 66 paıyzy birinshi, 259 931-i (63 paıyzy) ekinshi komponentti saldyrdy. Sondaı-aq 167 520 adam revaktsınatsııadan ótýi kerek bolsa, sonyń 64 488-i (38 paıyzy) ekpe aldy. Sonymen qatar jasóspirimderdi, júkti jáne bala emizetin áıelderdi Pfizer vaktsınasymen egý jalǵasýda. Munymen 63 765 adam egilýi tıis bolsa, sonyń 10 689-y (16,5 paıyzy) birinshi, 8 590-y (13,1 paıyzy) ekinshi komponentti qabyldady», dedi M.Aryspaev.

Eske sala keteıik, budan buryn Batys Qazaqstanda 64 myńǵa jýyq adamnyń revaktsınatsııadan ótkenin jazǵan bolatynbyz.