Batys Qazaqstanda sońǵy aptada koronavırýs juqtyrǵandar sany 7,7 paıyzǵa tómendedi
ORAL. QazAqparat – Batys Qazaqstan oblysynda sońǵy aptada aldyńǵymen salystyrǵanda, koronavırýs juqtyrǵandar sany 7,7 paıyzǵa (47 naýqasqa) tómendedi, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sońǵy táýlikte 97 adamnan indet tabylyp, 108 naýqas jazylyp shyqty.
Jyl basynan beri 13985 adamnan koronavırýs anyqtalsa, sonyń 55,8 paıyzy (7812) Oral qalasy, 14,2 paıyzy (1999) Báıterek, 11,1 paıyzy (1563) Bórli aýdanynyń úlesine tıedi.
Basqarma málimetine qaraǵanda, qazirgi kezde 1123 tósektik 18 ınfektsııalyq statsıonar 35 paıyzǵa tolǵan. Olarda 394 naýqas, sonyń ishinde 29-y jansaqtaý bóliminde emdelýde.
Jalpy, emdelýshiler sany azaıyp otyrǵan joq.
Naýqastardyń 333-i nemese basym kópshiligi Oral qalasyndaǵy 600 tósektik 5 aýrýhanada em qabyldap jatyr.
Oblysta koronavırýsty anyqtaıtyn 13 zerthana bolsa, sońǵy táýlikte 3112 zertteý júrgizildi.
Іndet bastalǵannan beri óńirde tirkelgen 23206 naýqastyń 18262-si jazylyp shyqty. 347-si kóz jumdy.
«Batys Qazaqstanda turǵyndardy vaktsınatsııalaý jumystary jalǵasýda. Osy kezge deıin 73462 adam vaktsınanyń birinshi, 35176-sy ekinshi komponentimen egildi», dep habarlady vedomstvodan.
Eske sala keteıik, budan buryn Batys Qazaqstanda 400-ge jýyq adam ınfektsııalyq statsıonarlarda emdelip jatqanyn jazǵan bolatynbyz.
