Batys Qazaqstanda sirińkemen oınap júrgen 7 jasar qyz kúıip qaldy
BQO tótenshe jaǵdaı departamentiniń baspasóz qyzmetinen túsken málimetke qaraǵanda, oqıǵa 8 tamyz kúni saǵat 13.00-de Terekti aýdany Dolınnyı aýylynda bolǵan.
«Jeke úıdiń aýlasynda sirińkemen oınap júrgen kezde 2015 jylǵy qyzdyń kıimderi janyp ketti. Oqıǵa saldarynan 2-3-dárejeli termııalyq kúıik alǵan qyz Oraldaǵy qalalyq kópbeıindi aýrýhanaǵa jatqyzyldy. BQO TJ departamenti otpen abaı bolý qajettigin, ásirese, balalardy qaraýsyz qaldyrmaý kerektigin turǵyndardyń esine salady», - dep habarlady vedomstvodan.
BQO densaýlyq saqtaý basqarmasynyń baspasóz hatshysy Aınagúl Saqposynovanyń naqtylaýynsha, qyzdyń denesin 22 paıyz kúıik shalǵan. Jaǵdaıy aýyr, jansaqtaý bóliminde jatyr.
Eske sala keteıik, budan buryn Oral mehanıkalyq zaýytynda órt shyqqanyn jazǵan bolatynbyz.