Batys Qazaqstanda shujyq shyǵaratyn tseh órtendi
ORAL. QazAqparat – Batys Qazaqstan oblysynda shujyq tsehy órtendi, dep habarlaıdy QazAqparat tilshisi.
Oqıǵa búgin tańmen Báıterek aýdany Darııan aýylynda B.Momyshuly kóshesindegi «Kazak Akbars» JShS aýmaǵynda boldy.
Shujyq ónimderin óndiretin tsehtyń otqa oranǵany jóninde saǵat 06.37-de habar túsken. Tsehtyń tóbesi men ishindegi jabdyqtary janǵan. Órt 150 sharshy metrdi qamtydy. Ǵımarattyń jalpy aýmaǵy 2000 sharshy metr bolǵandyqtan, qosymsha kúsh shaqyryldy.
«Órtti sóndirýge barlyǵy 22 adam, 5 tehnıka jumyldyryldy. «Tilsiz jaý» saǵat 09.53-te aýyzdyqtaldy. Zardap shekkender joq. Qazirgi kezde órttiń shyǵý sebebi anyqtalý ústinde», dedi QazAqparat tilshisine BQO TJ departamenti zilzalardyń qaýip-qaterin azaıtý jáne azamattyq qorǵaý salasyndaǵy baqylaý basqarmasynyń bastyǵy Erlan Tóregeldıev.
Onyń aıtýynsha, óndiris oryndarynda órtke jol bermes úshin tehnıkalyq sharalarmen birge órt qaýipsizdigin saqtaýǵa basa mán berý qajet. Ol úshin jumysshylardy oqytý, órt qaýipsizdigi talaptaryn múltiksiz oryndaý, kórneki úgit quraldaryn qoldaný syndy sharalardy júzege asyrý kerek.
