Batys Qazaqstanda sheteldik balalar da demalýda
ORAL. 1 tamyz. QazAqparat - Oraldaǵy «Daryn» qosymsha bilim berý ortalyǵynda lagerdiń «Keleshek - 2012» jazǵy aýysymy oblystyq balalar qozǵalysynyń kóshbasshylaryna arnaldy.
Sonymen qatar 100 jetkinshek demalatyn aýysymǵa oblys oqýshylarynan ózge Komı Respýblıkasy balalar birlestigi jáne Almaty qalasynyń «Azamat» qoǵamdyq birlestigi músheleri shaqyrylǵan.
Oblystyq bilim basqarmasynyń bólim bastyǵy Lýara Batyrǵalıevanyń aıtýynsha, bul aýysym «Órken» ortalyǵynyń bastamasymen úshinshi jyl qatarynan ótkizilýde. Oblysta balalar uıymdarynyń qozǵalystary jaqsy damýda. Byltyr Elbasy tapsyrmasymen «Jas ulan» respýblıkalyq balalar uıymy quryldy. Bıyl bul aýysymǵa óńirdiń túkpir-túkpirinen «Jas ulan», «Jas órken» uıymdarynyń músheleri, «Dostyq kópiri» jobasymen shet elderden oqýshylar qatysýda.
Bul aýysymnyń ereksheligi - balalar lagerdegi óz ýaqyttaryn ózderi josparlaıdy eken. ıAǵnı tańnan keshke deıingi baǵdarlamalaryn muǵalimderdiń aralasýynsyz qurady. Baǵdarlamanyń ishinde ártúrli oıyndar, trenıngter, saıystar engizilmek. Ustazdary tek syrttaı ǵana baqylaıdy.
-Tamyz aıynyń sońynda Amerıkadan, Qytaıdan jas volonterler kelmek. Bizdiń oqýshylardyń da olardan úıreneri kóp dep oılaımyz, - deıdi «Órken» qosymsha bilim berý ortalyǵy dırektorynyń orynbasary Aqmaral Baqytjanova.
-Birneshe jyldan beri eki el balalary arasyndaǵy qatynas nyǵaıýda. Olar tek dostar taýyp qana qoımaıdy, qarym-qatynas barysynda jeke bas qasıetterin damytady. Meniń shákirtterimniń árqaısysy balalardyń kóshbasshylyq qasıetterin damytýǵa arnalǵan bir-bir joba alyp keldi, - deıdi Komı elinen kelgen jetkinshekterdiń jetekshisi Olga Arhıpova. «Bizge Qazaq eli qatty unady. Qazaqtar baýyrmal halyq eken. Birshama dostar taptym. Óz qatarlastarymyzben bilim almasyp jatyrmyz, - dedi komılyq oqýshy Leonıd Kalmykov. Al almatylyq Hantemir Orazbekov bul aýysymda ár bala óz qyrlaryn, ónerin kórsetýge tyrysatynyn, kóshbasshylyq qasıet bolashaq ómirinde qajet dep sanaıtynyn jetkizdi.
