Batys Qazaqstanda Senat depýtatyn saılaýǵa 185 tańdaýshy qatyspaqshy
BQO aýmaqtyq saılaý komıssııasynyń tóraǵasy Ǵaısa Qapaqov málim etkendeı, saılaýǵa qatysatyn oblystyq, qalalyq jáne aýdandyq máslıhattar depýtattarynyń tizimi jergilikti basylymda jarııalandy.
Senat depýtatyn saılaý 14 qańtar kúni oblystyq máslıhattyń májilis zalynda ótpekshi.
Komıssııa tóraǵasynyń aıtýynsha, Batys Qazaqstan oblysynan QR Parlamenti Senatynyń depýtattyǵyna úsh kandıdat tirkeldi.
«Batys Qazaqstan týrıstik qaýymdastyǵy» ZTB dırektory Aıbolat Qurymbaev, Jáńgir han atyndaǵy Batys Qazaqstan agrarlyq-tehnıkalyq ýnıversıtetiniń tárbıe jáne áleýmettik jumystar jónindegi prorektory Aqylbek Sultanov jáne BQO ákiminiń birinshi orynbasary Arman Óteǵulov úmitker retinde tirkelip otyr. Olardyń bári de – Oral qalasynyń turǵyndary. Qazirgi kezde kandıdattar depýtattarmen kezdesip, saılaý aldyndaǵy úgit-nasıhat jumystaryn júrgizýde», - dedi QazAqparat tilshisine Ǵ.Qapaqov.
Eske sala keteıik, budan buryn BAQ salasyndaǵy eńbek ótili 100 jyldan asatyn otbasy saılaýǵa qatysqanyn jazǵan bolatynbyz.
