Batys Qazaqstanda Senat depýtatyn saılaý qalypty ótýde - baıqaýshy

ORAL. QazAqparat - Batys Qazaqstan oblysynda Senat depýtatyn saılaý qalypty ótýde. Bul týraly baıqaýshy, «Aýyl» halyqtyq-demokratııalyq patrıottyq partııasy BQO óńirlik fılıaly tóraǵasynyń orynbasary Mynataýbıik Ánesov málim etti, dep habarlaıdy QazAqparat tilshisi.

M.Ánesovtiń aıtýynsha, bári de ret-retimen zańǵa sáıkes ótýde.

«Aldymen tańdaýshylardyń birlesken otyrysynda oblystyq aýmaqtyq komıssııasynyń tóraǵasy Ǵaısa Qapaqov daýys berý tártibin túsindirdi. Sodan keıin depýtattar daýys berýge kirisip ketti. Birneshe baıqaýshy daýys berý barysyn baqylap otyrmyz. Tańdaýshylar kabınalarǵa jeke-jeke kirip, sodan keıin óz tańdaýlaryn jasaýda. Bári qalypty ótýde», dedi QazAqparat tilshisine M.Ánesov.

Eske sala keteıik, budan buryn Batys Qazaqstanda Senat depýtatyn saılaýǵa 185 tańdaýshynyń qatyspaqshy ekendigin jazǵan bolatynbyz.

Sondaı-aq Batys Qazaqstanda tańdaýshylar daýys berip jatyr.