Batys Qazaqstanda Senat depýtattyǵyna úsh kandıdat tirkeldi
ORAL. QazAqparat – Batys Qazaqstan oblysynda Senat depýtattyǵyna úsh kandıdat tirkeldi, dep habarlaıdy QazAqparat tilshisi.
Oblystyq saılaý komıssııasynyń tóraǵasy Ǵaısa Qapaqovtyń aıtýynsha, QR Prezıdentiniń Jarlyǵymen bıylǵy Senat depýtattaryn saılaý 12 tamyzǵa belgilengen bolatyn.
Kúni búginge deıin oblystyq balalar-jasóspirimder týrızmi jáne ekologııa ortalyǵynyń dırektory Ǵalym Bekqalıev, «Oral gýmanıtarlyq kolledji» MM-nyń qarjy dırektory Lıazzat Rysbekova, «Batys sý arnasy» JShS dırektorynyń orynbasary Aqylbek Amanǵalıev resmı túrde tirkeldi. Olardyń bári de – Oral qalasynyń turǵyndary.
Taǵy eki úmitkerdiń tirkeletindeı múmkindik, ýaqyttary bar.
«23 shildede tirkeý aıaqtalyp, sodan keıin úgit-nasıhat jumystary bastalady», dedi QazAqparat tilshisine Ǵ.Qapaqov.
