Batys Qazaqstanda segiz jasar bala sýǵa batyp ketti

ORAL. QazAqparat - Batys Qazaqstan oblysynda segiz jasar bala sýǵa batyp ketti, dep habarlaıdy QazAqparat tilshisi.

BQO TJ departamentiniń baspasóz qyzmetinen túsken málimetke qaraǵanda, oqıǵa 3 shilde kúni Aqjaıyq aýdany Alǵabas aýyly shetindegi Kóshim kanalynda boldy.

Saǵat 20.00-de segiz jasar bala shomylýǵa jabdyqtalmaǵan jerde batyp ketken. Onyń denesin jergilikti turǵyndar saǵat 20.40-ta shyǵaryp aldy.

Osymen óńirde jyl basynan 13 adam sýǵa ketse, sonyń beseýi - jasóspirimder.

BQO TJ departamenti turǵyndarǵa sýǵa túsken kezde qaýipsizdik erejesin umytpaý kerektigin eske salady.

Eske sala keteıik, budan buryn Batys Qazaqstanda er adamnyń sýǵa batyp ketkenin jazǵan bolatynbyz.