Batys Qazaqstanda segiz depýtat jańadan saılanbaq
ORAL. QazAqparat - Batys Qazaqstan oblysynda 29 qazan kúni segiz saılaý okrýgi boıynsha shyǵyp qalǵandardyń ornyna jańadan máslıhat depýtattary saılanbaq. Bul týraly óńirlik kommýnıkatsııalar qyzmeti alańynda BQO saılaý komıssııasynyń tóraǵasy Ǵaısa Qapaqov málim etti, dep habarlaıdy «QazAqparat» tilshisi.
Onyń aıtýynsha, Batys Qazaqstan oblystyq máslıhatyna (№16 Jańa Orda saılaý okrýgi boıynsha), Bórli aýdandyq máslıhatyna (№11 Berezov saılaý okrýgi boıynsha), Jánibek aýdandyq máslıhatyna (№12 Talov saılaý okrýgi boıynsha), Qaztalov aýdandyq máslıhatyna (№4 Tereńkól jáne №12 Kókterek saılaý okrýgi boıynsha), Terekti aýdandyq máslıhatyna (№2 Aqsýat jáne №5 Podstepnoe saılaý okrýgi boıynsha) jáne Oral qalalyq máslıhatyna (№11 qalalyq saılaý okrýgi boıynsha) depýtattar saılanbaqshy.
-Qazirgi tańda bos turǵan oryndarǵa 26 kandıdat usynyldy. Onyń 18-i ózin-ózi usynsa, 8-i saıası partııa («Nur Otan») arqyly ótýde kózdeýde. Úmitkerlerdiń 19-y - erler, jeteýi - áıelder, 24-i - qazaq, ekeýi orys ultynan. 1 úmitker óz ótinishi boıynsha kandıdatýrasyn alyp tastady. Saılaý ótkiziletin 8 saılaý okrýginiń quramyna 36 saılaý ýchaskesi kiredi. Búgingi tańda kúntizbelik josparǵa saı jergilikti atqarýshy organdar saılaýshylar tizimin naqtylaý jumystaryn atqarýda. Saılaýǵa daıyndyq jumystary qoldanystaǵy zańnama talaptaryna sáıkes júrgizilýde, - dedi Ǵ.Qapaqov.
