Batys Qazaqstanda respýblıkalyq jolda qozǵalysqa shekteý qoıyldy

ORAL. QazAqparat – Batys Qazaqstan oblysynda respýblıkalyq jolda qozǵalysqa shekteý qoıyldy, dep habarlaıdy QazAqparat tilshisi.

«QazAvtoJol» JShS málimeti boıynsha aýa raıynyń nasharlaýyna baılanysty respýblıkalyq mańyzy bar Oral- Saratov joly (72-104 km, Tasqala aýylynan RF shekarasyna deıin) jabyldy.

Qatty boranǵa oraı osy jol bóliginde barlyq kólik túrleri úshin qozǵalys shekteldi.

Osyǵan baılanysty BQO TJ departamenti eskertý jarııalap, turǵyndarǵa habarlama joldady.

Budan buryn 18 qańtarda oblystyń batysynda, soltústik- batysynda kóktaıǵaq bolyp, jeldiń jyldamdyǵy sekýndyna 15-20 metrge deıin jetýi múmkin ekendigi eskertilgen bolatyn.

Eske sala keteıik, budan buryn BQO-da boranǵa baılanysty respýblıkalyq jol jabylǵanyn jazǵan bolatynbyz.