Batys Qazaqstanda respýblıkalyq jolda kólik qozǵalysy shekteldi
ORAL. QazAqparat - Batys Qazaqstan oblysynda respýblıkalyq jolda kólik qozǵalysy shekteldi, dep habarlaıdy QazAqparat tilshisi.
«Qazavtojol» JShS BQO fılıalynyń málimetine qaraǵanda, 9 naýryz kúni saǵat 21.00-den bastap aýa raıynyń nasharlaýyna baılanysty respýblıkalyq mańyzy bar Samara-Shymkent (394-526 km, Jympıty aýylynan Aqtóbe oblysynyń shekarasyna deıin) avtojoly barlyq kólik túrleri úshin jabyldy.
Jabylý sebebi - qatty boran, kóktaıǵaq.
Osyǵan baılanysty BQO TJ departamenti eskertý jarııalanǵanyn jetkizdi.
Eske sala keteıik, budan buryn BQO-da boranǵa baılanysty júk kólikteri jolda qalǵanyn jazǵan bolatynbyz.
