Batys Qazaqstanda respýblıkalyq jol jabyldy

ORAL. QazAqparat – Batys Qazaqstan oblysynda aýa raıynyń nasharlaýyna baılanysty respýblıkalyq jol jabyldy, dep habarlaıdy QazAqparat tilshisi.

«QazAvtoJol» AQ BQO fılıalynyń málimeti boıynsha 13 aqpan kúni saǵat 21.10-nan bastap respýblıkalyq mańyzy bar Atyraý-Oral (371-492 km, Oral qalasynan Chapaev aýylyna deıin) kúre jolynda barlyq kólik túrleri úshin qozǵalys shekteldi.

Jabylý sebebi – kóktaıǵaq.

Osyǵan baılanysty BQO TJ departamenti eskertý jarııalanǵanyn jetkizdi.

Sonymen qatar «Qazgıdromet» RMK málimetine sáıkes 14 aqpan kúni de óńirdiń batysy men soltústiginde kóktaıǵaq bolýy yqtımal. Kúndiz oblystyń batysynda burqasyn soǵýy múmkin. Sondaı-aq jeldiń jyldamdyǵy sekýndyna 15-20 metrge jetedi.

Oral qalasynda da kóktaıǵaq bolady.