Batys Qazaqstanda respýblıkalyq jol jabyldy

ORAL. QazAqparat - Batys Qazaqstan oblysynda respýblıkalyq jol jabyldy, dep habarlaıdy QazAqparat tilshisi.

«QazAvtoJol» AQ Batys Qazaqstan oblystyq fılıalynyń málimetine qaraǵanda, 18 jeltoqsan kúni saǵat 00.45-ten bastap respýblıkalyq mańyzy bar Samara-Shymkent jolynda (266-394 shaqyrym aralyǵy, Terekti aýdany Podstepnyı aýylynan Jympıtyǵa deıin) barlyq kólik túrleri úshin qozǵalysqa shekteý qoıyldy.

Jabylý sebebi - jańbyr aralas qar, tuman, kóktaıǵaq.

BQO TJ departamenti sońǵy kúnderi aýa raıynyń qubylmaly bolýyna baılanysty turǵyndarǵa saq bolý kerektigin eskertedi.

Eske sala keteıik, budan buryn BQO-da aýa raıynyń nasharlaýyna baılanysty jol jabylǵanyn jazǵan bolatynbyz.