Batys Qazaqstanda respýblıkalyq jáne oblystyq joldarda qozǵalysqa shekteý qoıyldy
ORAL. QazAqparat – Batys Qazaqstan oblysynda aýa raıynyń nasharlaýyna baılanysty respýblıkalyq jáne oblystyq joldar jabyldy, dep habarlaıdy QazAqparat tilshisi.
«QazAvtoJol» JShS BQO fılıalynyń málimeti boıynsha 22 aqpan kúni jergilikti saǵat 20.00-den bastap respýblıkalyq mańyzy bar Atyraý-Oral (492-189 km, Oraldan Atyraý oblysyna deıin), Chapaev-Jalpaqtal-Kaztalov (0-213 km, Chapaevtan Kaztalovqa deıin), 21.30-dan keıin Oral-Tasqala-RF shekarasy (Oraldan Reseı shekarasyna deıin) joldarynda barlyq kólik túrleri úshin qozǵalysqa shekteý qoıyldy.
Sondaı-aq BQO jolaýshylar kóligi jáne avtomobıl joldary basqarmasynyń málimetine sáıkes saǵat 21.00-den bastap oblystyq mańyzy bar Chapaev-Jańaqala-Saıqyn (0-337 km, Chapaevtan Saıqynǵa deıin), Tasqala-Aqqýraı-Bolashaq-RF shekarasy (0-157 km, Tasqaladan Reseı shekarasyna deıin), Úlken Shaǵan-Peremetnyı (0-42 km, Úlken Shaǵannan Peremetnyıǵa deıin), Oral-Kırsanov (1-83 km, Oraldan Kırsanovqa deıin), Jympıty-Qaratóbe (0-103, Jympıtydan Qaratóbege deıin) joldary da jabyldy.
BQO TJ departamenti jabylý sebebi óńirde qalyń tuman túsip, sonyń saldarynan joldyń kórinýi nasharlaǵanyn, soǵan baılanysty eskertý jarııalanǵanyn jetkizdi.
Eske sala keteıik , budan buryn BQO-da tumanǵa baılanysty birneshe respýblıkalyq jol jabylǵanyn jazǵan bolatynbyz.
Sondaı-aq eki avtokólik soqtyǵysyp, 60 jastaǵy áıel mert boldy.
