Batys Qazaqstanda pnevmonııamen aýyrǵandar sany 273-ke jetti
ORAL. QazAqparat – Batys Qazaqstan oblysynda koronavırýsqa shaldyqqan 421 adam ınfektsııalyq statsıonarda jatyr, dep habarlaıdy QazAqparat tilshisi.
BQO densaýlyq saqtaý basqarmasy málim etkenindeı, sonyń ishinde 136-sy oblystyq juqpaly aýrýlar aýrýhanasynda, 232-si qalalyq kópbeıindi aýrýhanada emdelýde.
Aýyr haldegi naýqastar sany – 57. Sonyń ishinde 16 adam jasandy tynys alý apparatyna qosylǵan. Pnevmonııamen aýyrǵandar sany 273-ke jetti.
BQO taýarlar men kórsetiletin qyzmetterdiń sapasy men qaýipsizdigin baqylaý departamentinen túsken málimetke qaraǵanda, óńirde barlyǵy koronavırýs juqtyrǵan 1267 adam anyqtalsa, sonyń 835-i jazylyp shyqty.
Keshe oblysta 46 adamnyń syrqattanǵany belgili boldy (ósim – 3,8 paıyz). Munyń syrtynda klınıkalyq aýrý belgileri joq 60 adam tirkeldi.
Qazirgi tańda sondaı-aq 29 adam karantındik, 130 adam provızorlyq statsıonarda jatsa, 719 adam úılerinde oqshaýlanǵan.
Eske sala keteıik, budan buryn Oralda sanıtarlyq talaptardy buzǵan taǵy 10 nysannyń jabylǵanyn jazǵan bolatynbyz.
