Batys Qazaqstanda Pfizer vaktsınasyn egý bastaldy
BQO densaýlyq saqtaý basqarmasy basshysynyń orynbasary Ashat Balyqovtyń málim etkenindeı, Oral qalasyndaǵy emhanalarda jasóspirimder, júkti jáne bala emizetin áıelderdi egý júrgizilip jatyr.
Qaladaǵy №6 emhanada alǵashqy bolyp «Maqsat» medıtsınalyq kolledjiniń 24 stýdenti, sondaı-aq tilek bildirgen 6 júkti jáne 6 bala emizetin áıel keldi.
«Búgin Pfizer vaktsınasyn alatyndar úshin birneshe kabınet uıymdastyryldy. Egilýge kelgen adamdardy áýeli dáriger qaraıdy. Sodan keıin vaktsına alatyn kabınetke barady. Egilgennen keıin jarty saǵat boıy dárigerdiń baqylaýynda bolady. Vaktsınatsııa mindetti túrde jasóspirimderdiń ata-analarynyń nemese zańdy ókilderiniń kelisimine sáıkes júrgiziledi. «Maqsat» medıtsına kolledjinde oqıtyndar – bizdiń bolashaq áriptesterimiz. Sondyqtan olar ekpe alýdyń mańyzdy ekenin jaqsy túsinedi. Bul vaktsınanyń basqalardan ereksheligi, onyń quramynda vırýs joq, óte qaýipsiz. Kóptegen elderde ony 3-5 jasar balalarǵa egýde. Bizdiń elimizde 12 jastan joǵary jetkinshekterge egý josparlanǵan. Oblysta aldymen 16-17 jasar jasóspirimder egilýde», - dedi QazAqparat tilshisine A.Balyqov.
Eske sala keteıik, budan buryn Batys Qazaqstanǵa 29 250 doza Pfizer vaktsınasy jetkizilgenin, óńirde balalar arasynda tumaý jıilegenin jazǵan bolatynbyz.
