Batys Qazaqstanda «Ózińnen basta» atty sharaǵa baılanysty memlekettik organdar basshylary tabystaryn jarııalaýda
ORAL. Mamyrdyń 31-i. QazAqparat /Eljan Eraly/ - «Nur Otan» HDP men QR Ekonomıkalyq qylmys pen sybaılas jemqorlyqqa qarsy kúres agenttigi bıylǵy mamyrdyń 1-31-i aralyǵynda respýblıka kóleminde «Seniń jemqorlyqqa qarsylyǵyń mańyzdy!» atty aqparattyq-nasıhat is-sharasyn uıymdastyrǵan bolatyn.
Osyǵan oraı «Ózińnen basta» atty shara aıasynda Batys Qazaqstan oblysyndaǵy birqatar memlekettik organdar basshylary óz tabystaryn jarııalap otyr, dep habarlaıdy QazAqparat tilshisi.
«Nur Otan» HDP oblystyq fılıalynan túsken málimetke qaraǵanda, QR Tabıǵı monopolııalardy retteý agenttigi BQO boıynsha departamentiniń dırektory Narıman Tóreǵalıevtiń Oral qalasynda úsh bólmeli jeke úıi, saıajaıy bar. Aılyq jalaqysy - 118 myń teńge.
BQO boıynsha qazynashylyq departamentiniń bastyǵy, «Nur Otan» HDP oblystyq fılıaly partııalyq baqylaý komıssııasynyń múshesi Darhan Qýanyshevtiń aılyq jalaqysy - 160 myń teńge. «Biz otbasymyzben 2000 jyly satyp alynǵan úsh bólmeli páterde turamyz. Otbasymda bes adam bar: jubaıym Galına - jeke kásipker, aıyna 75 myń teńgedeı kiris kirgizetin shaǵyn bıznesi bar, ulym men kelinim jáne nemerem bar. Ulym Tımýr - ІІD qyzmetkeri, kelinim bala kútimine baılanysty demalysta. Meniń jáne otbasy músheleriniń basqa jyljymaıtyn múlki, jeke avtokóligi joq. Sondaı-aq senimdi basqarýdaǵy nemese depozıttik esepshottaǵy ózge múlik-tabys ta joq», dep málimdeıdi D.Qýanyshev.
