Batys Qazaqstanda órtten er adam qaza tapty
ORAL. QazAqparat - Batys Qazaqstan oblysynda bir kúnde eki órt bolyp, sonyń birinde er adam kóz jumdy, dep habarlaıdy QazAqparat tilshisi.
Oblystyq TJD baspasóz qyzmetinen alynǵan málimetke qaraǵanda, 24 qańtar kúni saǵat 09.05-te Báıterek aýdany Makarov aýyldyq okrýgi Zelenyı aýylynda 4 páterlik úıde órt bolyp jatqany jóninde habar túsken.
Tilsiz jaýdy aýyzdyqtaýǵa 4 tehnıka men 10 adam jumyldyryldy. 20 sharshy metrdi sharpyǵan órt 09.55-te aýyzdyqtaldy. Oqıǵa ornynan 1967 jylǵy er adamnyń denesi tabyldy.
Sol kúni saǵat 15.10-da Bórli aýdany ortalyǵy Aqsaı qalasyna qarasty Qyzyltal shaǵynaýdanynda Aqsýat kóshesinde turǵyn úıdi jalyn sharpydy. Aýmaǵy 12 sharshy metrge jaıylǵan órt 2 tehnıka, 7 adamnyń kúshimen 15.37-de sóndirildi.
Denesin kúıik shalǵan 1958 jylǵy azamat aýrýhanaǵa jatqyzyldy.
Eki oqıǵa boıynsha da órttiń shyǵý sebebi, kináliler, keltirilgen shyǵyn anyqtalýda.
