Batys Qazaqstanda órt jaǵdaılary 38 paıyzǵa ósti
BQO TJ departamentiniń baspasóz qyzmetinen málim etkenindeı, oqıǵa 3 sáýirge qaraǵan túni qala ortalyǵyndaǵy Abaı dańǵyly 208a-mekenjaıynda boldy.
«Saǵat 00.00-de «101» pýltine adam turmaıtyn jeke turǵyn úıdiń órtenip jatqany jóninde habar túsken. Órt sóndirýshiler kelip jetkende, 60 sharshy metr aýmaqta turǵyn úıdiń otqa oranǵany anyqtaldy. Zardap shekkender joq. «Tilsiz jaýdy» aýyzdyqtaýǵa jeke quramnan 10 adam 3 tehnıkamen jumyldyryldy. Qazirgi ýaqytta órttiń shyǵý sebebi, keltirilgen zalal kólemi, kináli adamdar anyqtalý ústinde. Bıyl óńirde órt sany 38 paıyzǵa (2023 jyly – 126, 2022 jyly – 91) kóbeıip otyr. Sonyń 82-si (2022 jyly – 53) turǵyn úıde bolǵan, bul – oblystaǵy jalpy órt sanynyń 65 paıyzy», dep habarlady vedomstvodan.
Eske sala keteıik, budan buryn Batys Qazaqstanda turǵyn úıdiń órtenip ketkenin jazǵan bolatynbyz.