Batys Qazaqstanda ormanǵa jaqyn aýmaqta qurǵaq shóp jandy
BQO TJ departamentiniń baspasóz qyzmetinen málim etkenindeı, oqıǵa 7 shilde kúni Terekti aýdany Shaǵan aýyldyq okrýgi Satym eldi mekeni mańynda boldy.
«Saǵat 12.08-de 101 pýltine atalǵan aýmaqta órt shyqqany jóninde habar túsken. Jedel jetken órt sóndirýshiler orman beldeýi boıynda shamamen 10 gektar qurǵaq shóptiń otqa oranǵanyn anyqtady. Órtti sóndirýge orman sharýashylyǵy mekemesinen 12 adam, 2 tehnıka, TJ departamenti jeke quramynan 3 adam, 1 tehnıka jumyldyryldy. Oǵan qosa Oral qalasynan №2 jáne №4 órt sóndirý bólimshelerinen 6 adam, 2 tehnıka, erikti órt sóndirýshiler qurylymy tartyldy. Eldi meken men ormanǵa qaýip joq. Órtti órshitpeý úshin jer jyrtý jumystary júrgizilýde. «Tilsiz jaý» saǵat 13.26-da oqshaýlandy. BQO TJD ǵımaratynda kúsh-quraldardy úılestirý úshin jedel shtab quryldy. Sońǵy kúnderi Batys Qazaqstan oblysynda kún qatty ysyp ketti. Qazirgi kezde termometr tili 33 gradýs ystyqty kórsetip tur», dep habarlady vedomstvodan.
Óńirde qurǵaq shóptiń órtenýi birneshe ret qaıtalanyp otyr.
Eske sala keteıik, budan buryn Batys Qazaqstanda úıýli turǵan 187 tonna pishenniń otqa oranǵanyn jazǵan bolatynbyz.
Sondaı-aq Batys Qazaqstanda 21 jastaǵy jigit Shaǵanǵa batyp ketti.
