Batys Qazaqstanda orman órti kezinde on adam qutqaryldy
ORAL. QazAqparat - Batys Qazaqstan oblysynda orman órti kezinde 10 adam qutqaryldy, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, Báıterek aýdany Trekın jáne Volodar aýyldary arasynda ıAnvartsev orman jáne janýarlar dúnıesin qorǵaý jónindegi kommýnaldyq memlekettik mekemesi aýmaǵynda órt shyqty.
Shamamen 8 gektar alqapta qurǵaq shóp jáne 5 gektar orman otqa orandy.
Búgin de óńirde kún óte ystyq, temperatýra tili 35 gradýsty kórsetip tur.
Oqıǵa ornynan 10 adam qutqaryldy, bulardyń 9-y - balalar.Olar Jaıyq ózeninde qaıyqpen júzip júrgen.
Qazirgi kezde órtti sóndirýge TJ departamenti (22 qyzmetker, 5 tehnıka), orman sharýashylyǵy mekemesi (5 qyzmetker, 2 tehnıka), erikti órt sóndirý qurylymy (5 qyzmetker, 2 tehnıka) jumyldyrylǵan.
Saǵat 17.20-da órt Jaıyq ózeni arqyly Terekti aýdany Aqsýat aýyldyq okrýgine aýysty. Munda shamamen 5 gektar qurǵaq shóp pen 3 gektar orman órtenip jatyr.
BQO TJ departamentinde jedel shtab jumys jasap jatyr.
Eske sala keteıik, budan buryn BQO-da 9 úıdiń qora-qopsysy órtenip, qysqa ázirlengen 64 tonna shóptiń tek kúli ǵana qaldy.
