Batys Qazaqstanda orman órtendi
ORAL. QazAqparat – Batys Qazaqstan oblysynda orman otqa orandy, dep habarlaıdy QazAqparat tilshisi.
BQO TJ departamentiniń baspasóz qyzmeti málim etkenindeı, oqıǵa 22 maýsym kúni Terekti aýdany Shaǵataı aýyldyq okrýginde boldy.
Saǵat 13.15-te Qyzyljar eldi mekeni mańynda 9,5 gektar alqapta orman (qaraǵash jáne terek) órtendi.
Oqıǵa ornynda TJ departamenti (41 adam, 4 tehnıka), orman sharýashylyǵy mekemesi (40 adam, 3 tehnıka), jergilikti atqarý organdary (10 adam, 2 tehnıka) kúshteri jumys jasady.
«Tilsiz jaý» saǵat 18.20-da oqshaýlanyp, 22.14-te aýyzdyqtaldy.
«Qazgıdromet» RMK málimetine qaraǵanda, 23 maýsym kúni oblysta 39 gradýs ystyq bolýy yqtımal.
BQO TJ departamenti sońǵy kezde kúnniń qatty ysýyna baılanysty tótenshe órt qaýpi saqtalyp otyrǵanyn eskertedi.
Eske sala keteıik, budan buryn Oralda «Rahmet» azyq-túlik dúkeniniń órtengenin jazǵan bolatynbyz.
