Batys Qazaqstanda on kúnde 17,6 mln. teńgeden astam aıyppul óndirildi
ORAL. QazAqparat - Batys Qazaqstan oblysynda 10-20 mamyr aralyǵynda ótkizilgen «Boryshker» jedel aldyn alý sharasy barysynda 17 mln. 646 myń teńge ákimshilik aıyppul óndirildi, dep habarlaıdy «QazAqparat» tilshisi.
BQO ishki ister departamentiniń baspasóz qyzmetinen túsken málimetke qaraǵanda, osyǵan deıin tólenbegen ákimshilik aıyppul kólemi 133 mln. teńgeden asqan bolatyn.
On kún ishinde sondaı-aq «Ýragan» jyljymaly jáne statsıonarlyq keshenderimen 317 kólik quraly toqtatyldy. Olardyń ıeleriniń jalpy berejaǵy 20,3 mln. teńgeden assa, sonyń ishinde 4 mln. 735 myń teńgesi ákimshilik aıyppul edi.
