Batys Qazaqstanda oqýshylardyń teń jartysyna jýyǵy qashyqtan bilim alýda

BQO bilim basqarmasynyń basshysy Aıgúl Myńbaevanyń brıfıngte málim etkenindeı, sonyń ishinde shtattyq rejımdegi 248 mektepte jalpy oqýshylar sanynyń 21,7 paıyzy (24 229 shákirt) qamtylǵan.

Óńirde 132 mektepte oqytý qashyqtan uıymdastyrylyp, bularda oqýshylardyń 48,7 paıyzy (54 303) bilim alýda.

-Ata-analardyń nemese balalardyń zańdy ókilderiniń ótinishimen balalar sany 15-ten aspaıtyn kezekshi synyptardyń jumys jasaýyna ruqsat etildi. Oblysta bastaýysh synyp oqýshylarynyń 67,8 paıyzy (32 750), mektepaldy daıarlyq synyptarynyń 53,3 paıyzy (4 286) kezekshi synyptarmen qamtyldy. Barlyq shtattyq rejımdegi jáne kezekshi synyptary bar mektepterdiń qyzmeti sanıtarlyq-epıdemıologııalyq talaptardy qatań saqtaı otyryp uıymdastyrylýda, - dedi Aıgúl Ádilgereıqyzy.

Basqarma basshysynyń sózine qaraǵanda, qashyqtan oqıtyn 37 311 (65 paıyz) shákirttiń úıinde derbes kompıýterlik qurylǵysy bar. Qalǵandary qaıtarymdy negizde mektepter balansyndaǵy kompıýtermen qamtylýda. Kúni búgin olarǵa 9112 kompıýterlik qurylǵy berildi.

QR Úkimeti rezervinen 14970 kompıýterlik qurylǵyny (kompıýterler – 1558, noýtbýkter – 11394, planshetter – 2018) satyp alýǵa qarajat bólinip, bir bóligi, atap aıtqanda, 735 planshet 8 qyrkúıek kúni jetkizilip, Jańaqala, Syrym aýdandaryna jáne Oral qalasyna úlestirildi.

Kompıýterleri joq qalǵan oqýshylar Úkimet rezervinen satyp alynatyn kompıýterler esebinen qamtylady.Bul kompıýterler oblysqa 1 qazanǵa deıin jetkiziledi.

Sondaı-aq oblys boıynsha qashyqtan oqıtyn ınterneti joq 3947 otbasyǵa 3547 qurylǵy taratyldy, qosymsha 400 qurylǵy satyp alynady. Interneti joq oqýshylar mobıldi qosymshalaryn paıdalanýda. Bıylǵy uıaly baılanys operatorlary qashyqtan oqytý kezinde oqýshylarǵa múmkindik jasaý úshin arzandatylǵan «Bilim» tarıfyn usyndy. Oblys boıynsha bul tarıfpen bilim berý uıymdary arqyly 2 myńǵa jýyq oqýshy qamtyldy.

Bilim alýshylardyń jetistigin baqylaý elektrondyq «Kundelik.kz» jýrnalynda júrgiziledi. Elektrondyq jýrnal bolmaǵan jaǵdaıda – qaǵaz jýrnalda.

Qashyqtan oqytý kezinde «úı tapsyrmasy» túsinigi ózgerip, oqý tapsyrmalary ǵana qaldy.

Oqý protsesin qashyqtyq formatynda uıymdastyrý úshin ár mektep óz betinshe muǵalimderdiń negizgi suranystaryna sáıkes keletin ınternet-platformany tańdady. Oblys mektepteri Bilimland, Edupage,Daryn onlaın bilim platformalaryna qosyldy.

Bilim berý platformasyn usynyp otyrǵan kompanııanyń statıstıkasyna sáıkes bir kúnde beınekonferentsııa arqyly ótkizilgen sabaq sany 14 400 bolyp otyr.

Qashyqtan oqytý kezinde bul platformalardy paıdalaný kezinde barlyq saqtyq sharalaryn saqtaý qajet. ıAǵnı, ár adam óziniń jeke kirý logın paroldaryn qupııa ustaý, kıbersaqtyq sharalaryn saqtaý kerek. Oqýshylarǵa logın, parolderin ózge adamdarǵa taratpaý jóninde aldyn ala nusqaýlyqtar berildi.

Árıne, qashyqtan oqıtyn oqýshylarǵa ata-analar tarapynan alǵashqy kezde oqý ornyn daıyndaý, úıde qolaıly jaǵdaı jasaýdan bastap úlken qoldaý kerek.

«Jańa oqý jylynda ata-analar, oqýshylar arasynda týyndaıtyn suraqtarǵa jedel jaýap berý úshin oblystyq bilim basqarmasynyń call-ortalyǵy 1301, 87471127407 telefondary turaqty jumys isteıdi. Sall-ortalyǵyna 2020 jyldyń basynan bastap kúni búginge deıin 78 jáne jańa oqý jyly bastalǵan kezden 7(3 jasyryn) telefon qońyraýy tústi. Jalaqy máselesi, eńbek demalysy, muǵalimderdiń sanaty, oqý úrdisin, merekelik sharalardy uıymdastyrý, balabaqshaǵa aqy tóleý, kompıýtermen qamtamasyz etý, qashyqtyqtan oqytýdy uıymdastyrý boıynsha saýaldar boldy. Túsken suraqtarǵa zań aıasynda jáne ýaqtyly jaýap berilip, máseleler sheshildi. Sonymen qatar barlyq aýdandyq (qalalyq) bilim bólimderiniń de call-ortalyqtary da jumys jasaýda. Sanıtarlyq-epıdemıologııalyq jaǵdaıǵa baılanysty bas sanıtarlyq dárigerdiń uıǵarymy negizinde ǵana mektepterdiń oqý formatyn ózgertý týraly sheshimder qabyldanady», dedi A.Myńbaeva.

Eske sala keteıik, budan buryn BQO-da bastaýysh synyp shákirtteri úshin 2500-den astam kezekshi synyp ashylatynyn, 100-ge jýyq oqýshynyń «Myń bala» olımpıadasynyń júldegeri atanǵanyn jazǵan bolatynbyz.