Batys Qazaqstanda oblystyq joldarda qozǵalys shekteldi
ORAL. QazAqparat – Batys Qazaqstanda aýa raıynyń nasharlaýyna baılanysty oblystyq joldarda qozǵalys shekteldi, dep habarlaıdy QazAqparat tilshisi.
BQO jolaýshylar kóligi jáne avtomobıl joldary basqarmasy málim etkenindeı, búgin saǵat jergilikti saǵat 09.00-den bastap oblystyq mańyzy bar Tasqala-Aqqýraı-Bolashaq-RF shekarasy (0-157 km), Úlken Shaǵan-Peremetnyı (0-42 km), Bórli-Aqsaı-Jympıty (0-159 km), Jympıty-Qaratóbe (0-103 km), Oral-Kırsanov (1-83 km) joldary barlyq kólik túrleri úshin jabyldy.
Óńirde kúshti jel turyp, boran soǵyp, joldyń kórinýi nasharlaǵan.
Osyǵan baılanysty BQO TJ departamenti turǵyndarǵa alys jolǵa shyqpaý kerektigin eske salady.
Eske sala keteıik, budan buryn Batys Qazaqstanda boranǵa baılanysty Samara – Shymkent joly jabylǵanyn jazǵan bolatynbyz.
Sondaı-aq aýa raıyna baılanysty eki óńirde jol jabyldy.
Sondaı-aq Aqsaı-Shyńǵyrlaý (0-86 km), Aqsaı-Prıýral (0-35 km), Fedorov-Aqsaı (0-82 km) joldarynda da qozǵalysqa shekteý qoıyldy.
