Batys Qazaqstanda oblystyq mańyzy bar 10 jol jabyldy
ORAL. QazAqparat – Batys Qazaqstan oblysynda oblystyq mańyzy bar 10 jol jabyldy, dep habarlaıdy QazAqparat tilshisi.
BQO jolaýshylar kóligi jáne avtomobıl joldary basqarmasynan túsken málimetke qaraǵanda, 19 naýryz kúni jergilikti saǵat 22.00-den bastap aýa raıynyń nasharlaýyna baılanysty Bórli-Aqsaı-Jympıty (0-159 km), Jympıty-Qaratóbe (0-103 km), Prıýral-Aqsaı (0-35 km), Úlken Shaǵan-Peremetnyı (0-42 km), Oral-Kırsanov (1-83 km), Barbastaý-Aqjaıyq-Nıderbor (0-108 km), Tasqala-Aqqýraı-Bolashaq-RF shekarasy (0-157 km), Ańqaty-Saryómir (0-64 km), Fedorov-Aqsaı (0-82 km), Aqsaı-Shyńǵyrlaý (15-86 km) joldarynda barlyq kólik túriniń qozǵalysy shekteldi.
Jabylý sebebi – qatty burqasyn, joldyń kórinýi nashar.
Osyǵan oraı BQO TJ departamenti QazAqparat tilshisine tótenshe jaǵdaılardy boldyrmaý maqsatynda tıisti sharalar qolǵa alynǵanyn habarlady.
Eske sala keteıik, budan buryn BQO-da Samara-Shymkent jolynda birneshe avtokólik soqtyǵysyp, júrgizýshiniń jaraqat alǵanyn jazǵan bolatynbyz.
