Batys Qazaqstanda naızaǵaı oınap, burshaq jaýýy yqtımal
ORAL. QazAqparat – Batys Qazaqstan oblysynda 29 maýsym kúni naızaǵaı oınap, burshaq jaýýy yqtımal, dep habarlaıdy QazAqparat tilshisi.
«Qazgıdromet» RMK BQO fılıalynyń málimeti boıynsha óńirdiń keı jerlerinde erteń sondaı-aq soltústik-shyǵystan, shyǵystan soǵatyn jeldiń jyldamdyǵy sekýndyna 15-20 metrge jetedi.
Oral qalasynda da naızaǵaı jarqyldaıdy.
Osyǵan baılanysty BQO TJ departamenti eskertý jarııalap, óńirde tótenshe jaǵdaılardyń aldyn alý baǵytynda tıisti sharalardyń qolǵa alynyp jatqanyn habarlady.
Oralda búgin burshaq aralas jańbyr quıyp, naızaǵaı oınap, kún kúrkiredi.
Eske sala keteıik, budan buryn Qazaqstannyń birqatar oblysynda eskertý jarııalanǵanyn jazǵan bolatynbyz.
