Batys Qazaqstanda myńǵa jýyq adam úıden baqylanýda
ORAL. QazAqparat – Batys Qazaqstan oblysynda koronavırýs indetine qarsy kúres jalǵasýda, dep habarlaıdy QazAqparat tilshisi.
BQO taýarlar men kórsetiletin qyzmetter sapasy men qaýipsizdigin baqylaý departamenti málim etkenindeı, kúni búgin 25 adam provızorlyq, 48 adam karantındik statsıonarda jatyr.
Sondaı-aq úılerinde oqshaýlanǵan 939 adam dárigerlerdiń baqylaýynda.
Atalǵan departament basshysynyń orynbasary Nurlybek Mustaevtyń aıtýynsha, oblysta koronavırýspen aýyrǵandar sany 72-ge jetse, sonyń 61-i – shetten, negizinen Reseıden kelgender. 11-i – buryn osy dertke shaldyqqandarmen qarym-qatynasta bolǵandar.
Búgin tańda tirkelgen eki azamat – Reseıde vahtalyq ádispen jumys jasaıtyn BQO-nyń 40 jáne 43 jastaǵy turǵyndary.
Samaramen shektesetin «Syrym» avtoótkelinen ótken kezde densaýlyqtaryna shaǵymy bolmaǵanymen, karantındik statsıonarǵa jatqyzylyp, synama alynǵannan keıin koronavırýs juqtyrǵany belgili boldy.
«Syrqattandardyń barlyǵy ýaqtyly oblystyq juqpaly aýrýlar aýrýhanasyna jatqyzylyp, sonyń ishinde ekeýi jazylyp shyqty. Qalǵan naýqastardyń jaǵdaıy qanaǵattanarlyq», dedi N.Mustaev.
Eske sala keteıik, budan buryn BQO-da sońǵy anyqtalǵan tórt naýqastyń úsheýi Reseıden kelgenin jazǵan bolatynbyz.
foto: yandex.kz