Batys Qazaqstanda muz oıylyp, avtokólik ózenge túsip ketti
ORAL. QazAqparat – Batys Qazaqstan oblysynda muz oıylyp, avtokólik ózenge túsip ketti, dep habarlaıdy QazAqparat tilshisi.
BQO polıtsııa departamentiniń baspasóz qyzmeti málim etkendeı, oqıǵa 22 qarasha kúni Báıterek aýdanynda bolǵan.
Makarov aýylynyń turǵyny muzdyń qalyńdyǵyn tekserý úshin Shaǵan ózenine baryp, «Aýdı» avtokóligin bıikteý jerge qoıyp ketken.
Ol muzdy jaıaý qarap júrgende, avtokóligi ózenge qaraı jyljyp ketken.
Avtokólikte eshkim bolmaǵan. Al áleýmettik jelide taralǵan beınejazbadaǵy adamdar – oǵan kómektesýge kelgen aýyldastary.
Báıterek aýdany polıtsııa bólimi ýchaskelik polıtsııa ınspektorynyń kómekshisi, polıtsııa aǵa leıtenanty S.Mashanov avtokólik ıesimen profılaktıkalyq áńgime júrgizdi.
Eske sala keteıik, budan buryn BQO-da alaıaqtyń jumysqa ornalastyramyn dep 35 turǵyndy aldap ketkenin jazǵan bolatynbyz.
