Batys Qazaqstanda munaı ónimderiniń zańsyz aınalymy toqtatyldy

NUR-SULTAN. QazAqparat – Qarjylyq monıtorıng agenttiginiń Batys Qazaqstan oblysy boıynsha departamenti qomaqty kólemdegi munaı ónimderi zańsyz aınalymynyń jolyn kesti, dep habarlaıdy QazAqparat vedomstvoǵa silteme jasap.

«Jedel izdestirý is-sharalary barysynda kásiporynda 2022 jyldyń shilde aıynan bastap QR munaı óńdeý zaýytynyń óndiristik tólqujaty bolmaǵany anyqtaldy. Mindetti ruqsat qujattarynyń joqtyǵyna qaramastan, JShS munaı ónimderin zańsyz óndirýdi, saqtaýdy, óńdeýdi jáne tasymaldaýdy jalǵastyrdy.

Nátıjesinde, der kezinde júrgizilgen sharalar 3,5 myń tonnadan astam mazýt, teńiz otyny men naftanyń basqa da munaı ónimderiniń túrin el aýmaǵynan tys jerlerge zańsyz shyǵarýdyń joly kesildi.

Atalaǵan fakt boıynsha tergeý júrip jatyr. QR Qylmystyq-protsesstik kodeksiniń 201-babyna sáıkes ózge málimetter jarııa etilmeıdi», - delingen resmı habarlamada.

Vedomstvo munaı jáne munaı ónimderin zańsyz tasymaldaý, satyp alý, satý jáne saqtaý faktileri anyqtalǵan jaǵdaıda, Agenttiktiń senim telefondaryna jáne QMA aýmaqtyq departamentterine habarlaýdy suraıdy.

Foto: alwatanpress.com