Batys Qazaqstanda monsha kesheni órtendi
ORAL. QazAqparat – Batys Qazaqstan oblysynda monsha kesheni órtendi, dep habarlaıdy QazAqparat tilshisi.
BQO TJ departamentiniń baspasóz qyzmetinen túsken málimetke qaraǵanda, oqıǵa keshe Báıterek aýdany Jaıyq aýylynda boldy.
Saǵat 11.24-te «Rýsskıe banı» monsha kesheniniń órtengeni jóninde habar túsken.
Osy aýdanda ornalasqan №22 órt sóndirý bólimshesiniń órt sóndirýshileri jetken kezde atalmysh keshende №7 monshanyń (35 sharshy metr) jáne №8 monshanyń ishinara (15 sharshy metr) tóbesi janǵandyǵy anyqtaldy. Soǵan baılanysty №2 jáne №1 mamandandyrylǵan órt sóndirý bólimshelerinen qosymsha kúsh shaqyryldy.
«Tilsiz jaýdy» aýyzdyqtaýǵa jeke quramnan 9 adam, 3 tehnıka jumyldyryldy.
Órt 12.04-te oqshaýlanyp, 12.17-de sóndirildi.
Qazirgi kezde órttiń shyǵý sebebi, kináli adamdar, keltirilgen shyǵyn anyqtalý ústinde.
