Batys Qazaqstanda memleketke 7,5 mln. astam teńge zalal keltirgen adamdardyń ústinen qylmystyq is qozǵaldy
ORAL. Qazannyń 18-i. QazAqparat /Eljan Eraly/ - BQO boıynsha ekonomıkalyq qylmysqa jáne sybaılas jemqorlyqqa qarsy kúres departamenti qyzmetkerleri jedel-izdestirý sharalary barysynda bir memlekettik mekeme bastyǵynyń konkýrstyq komıssııa tóraǵasymen jáne JShS quryltaıshysymen aldyn ala qylmystyq ymyralasýǵa kelip, BQO aýyldarynyń birindegi sýmen jabdyqtaý nysanyn memlekettik satyp alý boıynsha konkýrstyń jeńimpazy retinde atalǵan seriktestikti zańsyz taný jolymen iri mólsherdegi bıýdjettik qarajatty talan-tarajǵa salǵany anyqtaldy.
JShS quryltaıshysy memlekettik mekeme bastyǵynyń kelisimi boıynsha, konkýrstyń basqa qatysýshylary aldynda artyqshylyq alý maqsatynda konkýrstyq ótinimde JShS qyzmetkerleriniń sanyn negizsiz asyryp kórsetken. Sóıtip seriktestikte kásiptik biliktilik deńgeıi bar 207 qyzmetker jumys jasaıtyny jóninde mamandardyń jalǵan tizimin bergen, is júzinde olardyń sany 45 qana bolǵan. Bul JShS-ni jeńimpaz dep taný jáne baǵa usynystary tómen basqa qatysýshylardyń konkýrstyq ótinimderin qabyl almaý úshin negiz bolyp tabylǵan. Sonyń saldarynan atalǵan tulǵalardyń zańsyz is-áreketteriniń nátıjesinde memleketke 7,5 mln. teńgeden astam shyǵyn keltirilgen.
Atalǵan fakti boıynsha mekeme bastyǵy, konkýrstyq komıssııanyń tóraǵasy jáne JShS quryltaıshysyna qatysty QR QK 176-baby 3-bólimi «b», «g» tarmaqtary (senip tapsyrylǵan ózgeniń múlkin ıemdený nemese rásýalaý) boıynsha qylmystyq is qozǵaldy.
