Batys Qazaqstanda mal urlaýmen aınalysqan taǵy bir top ustaldy
ORAL. QazAqparat - Batys Qazaqstan oblysynda mal urlaýmen aınalysqan taǵy bir qylmystyq top ustaldy, dep habarlaıdy QazAqparat tilshisi.
Oblystyq Polıtsııa departamentiniń baspasóz qyzmetinen túsken málimetke qaraǵanda, atalǵan topqa oblys aýdandarynda alty ret mal urlady degen aıyp taǵylyp otyr.
Sonyń ishinde Báıterek aýdanynda – eki, Bórlide – úshi, Tasqalada bir derek tirkelgen.
Barymtashylar 13 bas maldy (8 qoı, 3 iri qara, 2 jylqy) qoldy qylǵan. Ustalǵan kúdiktiler - Báıterek, Bórli jáne Aqjaıyq aýdandarynyń turǵyndary.
Qazirgi kezde QR QK 188-babyna (urlyq) sáıkes tergeý amaldary júrgizilýde.
Sonymen qatar úsh turǵynnan quralǵan taǵy bir toptyń qylmysy áshkerelendi. Bular Jańaqala jáne Bókeı ordasy aýdandarynda 13 ret mal urlaǵan. Bul qylmystyq istiń tergelýi aıaqtalýǵa jaqyn.
Eske sala keteıik, budan buryn oblysta 27 mln teńgeniń malyn urlaǵandar sottalǵanyn jazǵan bolatynbyz.
